شعر حزن و القصة واضحة من الأبيات

البارحه في تالي الليل محتار = مدري وش آخذ من علوم ٍ واخلـّـي




من كثر همي دمعتي كنها انهار = باسباب فقد امي دموعي تهلــّـي




تزوج الوالد وهو مكرم الجار = زوجه جديده قلت ذا منوة ٍ لـــي




لكن علينا ياعرب ضاقت الدار = قامت تعاملنا بحقد ٍ وغلــّي




تعذيبها ياربعنا سرّ وجهار = اعجزت ابا وصّف عذاب ٍحصل لي




باسبابها يااصحابنا ذقنا الامرار = الهم ّ لازمني كما وصف ظلـّـي




ياخالتي خافي ترا فيه قهـّار = يجازي اللي في حياته يزلـّـي




ياخالتي وش ذنبنا توّنا صغار = وشلون تعذيبك علينا يحلـّي




الظلم شين ٍماتسويه الابرار = راعيه ضايع بــيــّـن ٍ مايدلــّـي




ضربك بعد لاختي تسبب بالاقدار = من جلسة ٍ بالبيت صارت تملـّي




جتني تصيح ودمعها مثل الامطار = تشكي تحسب ان الزمن صافي ٍ لي




مافي يدي حيله ياليت الزمن دار = بس اصبري والله لهمـّـك يجلـّي




ياخالتي قافيك قصـّاف الاعمار = وحساب عادل عن صغير ٍ وجلي




ياليت والدنا عرف كيف يختار = ان كان نجمه صار فوق متعلي




اخذت لي مع نظم الاشعار مشوار = لعلـّه لقلب حزين ٍ يسلــّي




شرحت بعض الي حصل لي بالاشعار = من فضل ربي جعله اليوم حلي





تحياتى لكل جريح

مشكووور أخ يوسف على القصيدة الرائعة وواضحة جدا

مشكووووور أخت زوزو على مرورك الطيب

مشـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــكور
مشـــــــــــــــــــــــــــــــــــــــــــكور

مشكووو رحبيبي روميو على مرورك الطيب

مشكوووور أخ يوسف على الكلمات و الأبيات الرائعة
تقبل مروري
بحبك

مشكووووور بحبك على مرورك الطيب

مشكوووور أخت لؤلؤ الحب على مرورك المميز

مشكووووور أخت الدمعة على مرورك الطيب